皇后山 至 上水站單車路線

路線｜皇后山 ＞ 北區公園 ＞ 上水站

第一次錄影嘅時候皇后山單車徑仲有部分做緊工程
不過第二次去已經整好啦～
由山頂落嚟嘅朋友可以經迴旋處單車徑接駁今集路線

山下嘅單車徑斷斷續續，而且經常有車停泊喺路口，如果落馬路嘅話一定要小心睇車！
唔熟踩單車嘅朋友就建議落車推車啦～

由粉嶺去上水有唔少方法，今集我哋就選擇行馬適路，可以避開經常唔識路嘅迴旋處
不過踩呢條路過紅綠燈嘅時候記得最好襟制啦～

黎到天平邨，踩開單車嘅朋友可以落呢條斜路過對面
落斜底下有一個近90度角彎位，記得注意車速，小心慢踩


北區公園

• 公園採用咗清代嘅揚州風格設計，中央部分有一個人工湖同小瀑布，環境清幽
• 人工湖種植左幾株落羽松，每年約1月嘅時候就會轉紅，配搭中式亭園，打卡一流！
  
  全程 22 分鐘，我哋就嚟到上水站啦～
  用完單車記得泊番係單車停泊處，唔好阻到人呀