皇后山 至 九龍坑單車路線

路線｜皇后山 ＞ 九龍坑

由皇后山山頂單車徑出發，係一個落斜路段，踩車前記得先檢查煞車是否操作正常～


落斜沿途有唔少行人過路處，記得注意行人，小心慢駛

離開皇后山，繼續沿沙頭角公路前進



我地又黎到粉嶺出名嘅迴旋處隧道啦，靠左認住「樂業路」出口

去到隧道落隧道沿馬會道繼續踩


沿途將會經過兩個巴士站可以直出市區：塘坑站、粉嶺公路轉車站
雖然單車接駁非常方便，但係都要顧己及人，單車靠邊泊，就唔會阻到人啦～

九龍坑、南華蒲一帶嘅單車徑近年都有幾大變化，過往大家都要經過狹窄嘅行人通道，
宜家有左單車徑就方便得多啦～