【樂區膠悠遊 Loco vlog #5】實踩: 粉嶺 至 上水段

沙田、大埔、馬鞍山大家可能踩到厭，今日就跟住locobike黎到粉嶺、上水！
唔好以為粉嶺、上水就冇野好睇，沿路其實隱藏左唔少具文化特色嘅景點，例如前粉嶺裁判法院、聯和市場、粉嶺聖若瑟堂，絕對係文青打卡、踩單車之選！即刻睇下詳細路線：

路線｜ 粉嶺站 > 粉嶺公路 > 上水站

前粉嶺裁判法院

• 經活化保育後成為咗依家嘅香港青年協會領袖學院，佢保留咗當年嘅法庭丶拘留室丶疑犯通道、繳費處丶保險室等等，大家可以預約導賞團或者自由參觀都得～
• 旁邊嘅兩層高白色平房內有一間社區咖啡館cafe #添飲咖啡館，充滿文青feel，大家有興趣可以去打下卡、歎番個lunch～

聯和市場

• 聯和市場係已經停用咗嘅墟市建築，佢係當年新界區最大規模嘅市場，現時會以短期租約形式租用作可循環再造物料回收中心同環保市集
• 而平時「聯和墟」唔會全部對外開放，但大家仍可以係舊市集外面影相，如果想全面參觀「聯和墟」舊市集，亦有個別社區組織設有導賞團

粉嶺聖若瑟堂

• 聯和墟區內唯一獨立式教堂，由人手親自琢磨嘅花崗岩砌成，現被評為三級歷史建築
• 經過新擴展後，聖堂正門嘅門廊同堂內亦有多件宗教物品值得觀賞，最矚目係祭台後壁一幅具東方教會風格啲聖像畫!

北區公園

• 公園採用咗清代嘅揚州風格設計，中央部分有一個人工湖同小瀑布，環境清幽
• 人工湖種植左幾株落羽松，每年約1月嘅時候就會轉紅，配搭中式亭園，打卡一流！

注意事項｜
1.路段比較多隧道，轉錯易迷路