【樂區膠悠遊 Loco vlog #4】實踩: 太和 至 粉嶺段

由太和站出發，遠離市區，沿大埔公路往粉嶺方向前進，需時約30分鐘

路線｜ 太和站 > 大埔公路 > 大窩段 > 粉嶺公路 (有飲品補給站) > 粉嶺站

林村河

• 現時林村河下游由大埔頭抽水站以東至吐露港已完全建成人工河道，沿岸設有單車徑，一直伸延到整個社區
• 林村河近大埔一段有5座外型帶有中國建築特式嘅行人天橋橫跨河道，分別喺1984年至1992年間落成，分別為錦石橋、錦和橋、太和橋、廣福橋同寶鄉橋

鐵路迷必影
單車徑旁邊就係火車軌，企係天橋上面可以感受列車係旁邊經過嘅震撼，更係鐵路迷必影攝點

山記士多

• 沿單車徑踩會途經大窩村、元嶺村，到盡頭九龍坑村涼亭就會見到山記士多，如果想補給嘅話，可以坐底食下野休息下都得！

蓬瀛仙館

• 香港嘅道教聖地，館內建築充滿傳統中國色彩，並有展現信仰、養生、道家哲學嘅「道德經壁」
• 館內嘅特色建築如燭爐、求籤部亦係攝影愛好者必影之地，而花園內嘅大涼亭更可遠眺粉嶺全景
• 蓬瀛仙館嘅齋菜亦都係頗為出名，有興趣嘅朋友記得去試下啦

注意事項｜
1.經過大埔頭原水抽水站後落斜，右轉入隧道嘅路好窄，記得小心慢駛
2.近泰亨「波波橋」無論上落都有一定難道，單車新手可以選搭升降機！