【 樂區膠悠遊 Loco vlog #62 】實踩: 富善 至 廣福橋 段

大埔同沙田一樣係傳統嘅單車熱門地點，每逢假日都有唔少市民由各處踩黎大埔、大尾篤
你又試過踩大埔海濱同大尾篤以外嘅地方未呢？今集樂區膠悠遊帶大家深入大埔通勤路線！
由富善邨出發前往廣福橋

路線｜富善邨 ＞ 林村河 ＞ 大埔藝術中心 ＞ 廣福橋

大埔單車網絡完善，唔同路線都一樣可以去到，而今次我地就由富善邨出發，沿怡雅苑單車徑前進

林村河
林村河，相信住大埔嘅朋友一定經過過，亦都相信唔洗再多介紹
雖然再熟悉不過，不過會唔會有時有啲景色係被遺忘架呢？
下次不妨踏上單車，以時速15公里嘅速度，從新認識你我熟悉嘅社區

大埔藝術中心
大家踩單車嘅時候有冇發現呢座粉紅色學校呢？
佢其實係 大埔藝術中心 ，係由前大埔官立中學改裝而成
提供黑盒、白盒、舞蹈室、音樂室短期租用
仲有舉辦各類文創活動、工作坊等

林村河上有唔少行車天橋同行人天橋，大家又知唔知佢哋嘅歷史呢？
今集路線嘅終點廣福橋原來已經係第三代

昔日嘅廣福橋其實係位於現今廣福道街尾，於1896年落成，1898年，英國租借新界後，喺廣福橋側興建一條單程行車橋樑，直到1957年改為雙線行車。1986年，香港政府將整座橋樑拆除，由寶鄉橋取代，原址改建成一條行人同單車使用嘅紅柱綠瓦行人橋，而橋嘅旁邊仍然保留住廣福橋嘅石欄桿、石躉