白石角博研路 至 大學站單車路線

路線｜
白石角優景里 > 科學園 > 大學站

2021年《施政報告》建議，喺現時香港教育大學運動中心用地研究興建新東鐵線科學園／白石角站，
所以今次樂區膠悠遊就選擇左喺最近嘅單車徑 - 博研路 出發

唔講唔知，原來優景里以前係東鐵走線，1988年6月4日發生貨卡出軌意外，隨後喺1995年將呢段急彎拉直，變成今日嘅走線，宜家喺優景里東端與樟大路之間仍然可以搵到已荒廢嘅鐵路拱橋

好啦，唔講咁多
馬上出發！一出發就黎打大佬⋯⋯踩上大斜路
唔夠體力嘅朋友記得喺安全情況下落車推車啦～

落斜盡頭有一個急彎，踩車前先檢查煞車係咪操作正常，落斜時小心控制車速

白石角住宅區嘅單車徑有唔少路口，不過唔洗擔心，幾個路口都可以出番大路嘅

今次路線將會途經兩條經常發生意外嘅斜路，出發前記得檢查煞車是否操作正常
無論上斜定落斜，都唔好突然停車，亦唔好係隧道內停留，以免發生意外

去到馬料水我哋就轉行行人隧道過對面
今集膠悠遊真係充滿斜路同斜路呀⋯⋯
比啲力踩埋落去！！！


落斜嘅時候留意左邊係落隧道，右邊係大學站單車匯合中心
而今次選擇左邊落隧道

呢條隧道平時大家有冇經過過呢？

話咁快就黎到今集嘅終點 — 大學站
大學站旁邊設有單車停泊處，記得泊好啲易搵啲！