【樂區膠悠遊 Loco vlog #17】實踩: 運頭塘邨 至 大埔太平工業村段

大埔有完善嘅單車網絡，連接區內多個屋苑
今日就帶大家由運頭塘邨出發，途經大埔墟站、南運路，向太平工業村前進

路線：運頭塘邨 → 林村河 → 大元邨 → 大埔太平工業村

運頭塘
運頭塘，相信各位大埔人一定聽過，咁你又知唔知佢嘅由來呢？運頭塘名字由來嘅說法有2個：

1. 據講當地運載嘅並非人頭，而係陶瓷，因為讀音相近，被人誤讀作「運頭」一直沿用至今
2. 喺較外海嘅地方，有一個運尾塘水域，由細船轉上大船。細船運頭段，大船運尾段

至於亂葬崗嘅傳說，「運頭塘」其實早於清朝時期已有記載，而英國租借新界時，「大埔七約」亦已包括運頭塘，由此可見運頭塘名字由來與亂葬崗無關

林村河
林村河，相信住大埔嘅朋友一定經過過，亦都相信唔洗再多介紹
雖然再熟悉不過，不過會唔會有時有啲景色係被遺忘架呢？
下次不妨踏上單車，以時速15公里嘅速度，從新認識你我熟悉嘅社區

大元邨
離開林村河約 5 分鐘就會黎到大元邨，佢係大埔第一條公共屋邨，於1980年落成，時至今日，大元邨亦即將面臨重建嘅命運，雖然重建時間仍未落實，就等小編為佢同locobike影番張相留念啦！