【樂區膠悠遊 Loco vlog #16】實踩: 大埔海濱公園盡頭(釣魚區) 至 碗窰 段

大埔除左有豐富自然生態環境、熱鬧嘅市集之外，其實仲有唔少歷史建築
今日就跟住 #樂區膠悠遊 由大埔海濱公園出發，黎到昔日新界嘅陶瓷工業中心——碗窰，一齊黎個歷史之旅！

路線：大埔海濱公園盡頭(釣魚區) > 大埔海濱公園 > 達運路公廁(碗窰)

大埔海濱公園盡頭
有大埔天空之境之稱，每逢落完雨都會吸引一大班單車愛好者黎到為自己嘅愛車影番張靚相
如果經過有幫Locobike影相記得tag番我地呀！

Photo credit:IG@tallchung

大埔海濱公園
香港面積最大嘅公園，有一大片草地，啱曬野餐、放風箏、比小朋友跑跑
登上香港回歸紀念塔仲可以欣賞到吐露港同馬鞍山景色
公園內仲有長達1200米嘅海濱長廊，黎緊中秋節不妨黎邊行邊賞月

碗窰
大埔碗窰曾經係新界嘅陶瓷工業中心，早喺明代（一三六八年—一六四四年）就已經有生產青花瓷器，隨著廣東沿岸更多質優廉價嘅瓷器產品出現，最後喺1932年停產，窰址於1983年列為古蹟

宜家見到嘅【碗窰展覽】就係由上碗窰村空置嘅課室改建而成，展出碗窰嘅歷史同考古發現，由單車徑盡頭步行 5-7 分鐘即可到達

碗窰展覽旁邊嘅【樊仙宮】係全港唯一供奉樊仙嘅廟宇，根據懸掛喺正廳刻於清朝乾隆庚戌年間嘅木牌匾，估計已經有超過二百年歷史