【樂區膠悠遊 Loco vlog #15】實踩: 大尾督 至 白沙頭

係大尾督食飽飽覺得好有罪惡感想即刻做下運動?咁就即刻係附近搵架locobike，跟住我地係探索附近嘅地方啦!

今次帶大家黎到呢到踩車熱門地點：船灣淡水湖主壩！路線以平地為主，輕鬆易踩，絕對唔會攞你命3000㗎！

路線｜ 大尾督 > 大尾督碼頭 > 大尾督家樂徑 > 船灣淡水湖主壩

大尾督碼頭
夏天熱到焫焫焫焫焫焫著?想即刻落水降溫?咁就要玩水上活動啦!
大尾督有多種水上活動任你選擇：獨木舟、風帆、水上單車等等

即使唔玩水上活動，黃昏黎影吓日落都係個唔錯嘅選擇，平靜嘅海面上停泊著一排排小艇，相當浪漫
Photo credit : travelandmusicc @ IG

大尾督家樂徑
想睇到主壩全景但又唔想行幾個鐘？冇問題！
大美督家樂徑全程只需約20分鐘，除左可以睇到成條主壩之外，仲可以睇到八仙嶺全景同日落海景
家樂徑入口就位於白普理賽馬會青年旅舍旁邊，小心唔好miss左呀！

Photo credit : fung_garcia_backpacker @ IG

船灣淡水湖主壩
船灣淡水湖主壩相信大家一定唔會陌生，大壩一邊係船灣，另一邊係吐露港，可以喺大壩上一路踩住單車，一路欣賞美景～
壩上亦有唔少遊客放風箏，記得小心風箏線，唔好踩咁快呀！