【 樂區膠悠遊 Loco vlog #64 】實踩: 富亨邨 至 廣福邨 段

大埔同沙田一樣係傳統嘅單車熱門地點，每逢假日都有唔少市民由各處踩黎大埔、大尾篤
你又試過踩大埔海濱同大尾篤以外嘅地方未呢？今集樂區膠悠遊帶大家深入大埔通勤路線！
由 富亨邨 出發前往 廣福邨

路線｜富亨邨 ＞ 林村河 ＞ 大埔河 ＞ 廣福邨

由富亨邨出發，好快就有一條隧道等住大家啦，呢條隧道一落斜就係彎位，所以踩車前記得檢查煞車是否操作正常，落斜時小心慢駛


如果唔想落斜上斜又唔趕時間嘅話可以經行人過路處過對面都得～

繼續沿汀角路單車徑踩，呢條路有冇啲熟口熟面呢？
就係大家成日去大尾篤嘅路呀！分岔路口有指示牌提示，唔好行錯路呀

黎到太和路，你可以選擇轉左向大埔海濱公園方向，或轉右向林村河方向踩
而我哋就選擇左經林村河、大埔河踩，沿路有唔少路口，小心盪失路呀


轉埋個彎我哋就黎到廣福邨巴士站啦，完成車程前記得留意禁停區資訊，上鎖後打開loco app確認是否已停止計時，如未即時停計，喺App左上方點擊👆🏻「結帳」