【 樂區膠悠遊 Loco vlog #55 】實踩: 孖橋 至 白石角博研路 段

沙田係傳統單車旅遊熱點，單車徑網絡非常完善，可以話係四通八達！
而孖橋可以話係沙田區嘅單車交匯處，無論去馬鞍山定大埔都一定會經過呢到
今集樂區膠悠遊帶大家由孖橋出發，前往白石角優景里！

路線｜孖橋 ＞ 科學園 ＞ 白石角優景里

相信大家都非常熟悉由沙田、馬鞍山黎孖橋嘅方法架啦？
我哋今次就直接由孖橋出發！得閒嘅時候，黃昏黎孖橋坐下都係唔錯嘅選擇黎架～

叫得做單車嘅匯合點當然人多車多啦，記得唔好並排行車，如果唔係爬頭，記得時刻靠左行駛

今次路線將會途經兩條經常發生意外嘅斜路，出發前記得檢查煞車是否操作正常
無論上斜定落斜，都唔好突然停車，亦唔好係隧道內停留，以免發生意外

過左科學園後有唔少路口，我哋今次就選擇由科研路路口轉入去，沿途會途經唔少私人住宅，
留意除左合作屋苑，唔好將單車泊入去呀～

留意博研路只有一邊有單車徑架乍，所以要沿單車徑穿過橋底上斜


唔講唔知，原來優景里以前係東鐵走線，1988年6月4日發生貨卡出軌意外，隨後喺1995年將呢段急彎拉直，變成今日嘅走線，宜家喺優景里東端與樟大路之間仍然可以搵到已荒廢嘅鐵路拱橋

相中右邊建築物為龍霞靜院，可以想像當年路軌位置（網上相片）

雖然優景里係單車愛好者嘅操車熱點，但係為左大家嘅安全，唔建議大家喺優景里馬路上面踩Locobike啦～