【樂區膠悠遊 Loco vlog #38】實踩 : 曾大屋 至 大圍站 段

平時喺沙田行街食飯就多，今日就一於帶大家踩一轉洗滌心靈之旅！
探索完傳統客家圍村，再踩到去廟宇行一轉～

路線｜
曾大屋 > 古巖淨苑 > 車公廟 > 大圍站

曾大屋
曾大屋係香港保存最為完好嘅客家圍村之一，喺由石匠曾貫萬於1847年建造。
裡面居住嘅都係曾氏家族，喺17世紀就遷居嚟香港。
村入面依然有人居住，但大家可以參觀圍村嘅天井、宗祠同位於四角嘅碉堡！

古巖淨苑
位於車公廟隔離嘅古巖淨苑係一間佛教道場。苑內嘅千佛寶殿有一座高及天花嘅圓柱形佛塔，頂端置五方佛，代表五方世界，中央嘅一尊為毘盧遮那佛。佛塔下方布滿千尊小佛像，更營造「千佛繞毘盧」嘅意境。苑內嘅一尊四面佛像，據說係香港嘅第一尊四面佛像，亦有好多善信都特意為此而來！

車公廟
位於沙田嘅車公廟係沙田區最出名嘅廟宇，去到車公廟就梗係要轉一轉神壇前嘅銅風車，一齊轉個好運！
據說300多年前，沙田一帶瘟疫橫行，村民相信車公顯靈令瘟疫解除，便建廟供奉。車公廟後來於1994年完成改建，原廟則位於現廟後方，平日唔會開放～