【樂區膠悠遊 Loco vlog #39】實踩 : 望后石消防局 至 龍門居 段

疫情持續左咁耐，真係好想去旅行呀！
當中有「港版邁亞密」之稱嘅屯門浩和街就成為其中一個 #偽旅行 熱點！
但係我又冇私家車又唔識路，去完點番屋企呀？
今集樂區膠悠遊就帶大家由望后石消防局直踩龍門居食宵夜！

屯門浩和街位於屯赤隧道旁邊，長長白色海堤、超大草地、無敵大海，仲有整排棕櫚樹，難怪被傳媒封為「港版邁亞密」！但係由於位置較偏僻，去之前記得做定功課呀！



Photo credit: johntsanghm, laishunhang @IG

今集樂區膠悠遊就帶大家由最近嘅單車徑 — 望后石消防局 出發回程
提提大家，呢度馬路常帶大型車輛出入，記得小心呀
晚間時分更要亮起車頭白燈，車尾紅燈

踩多大約5分鐘，我哋又黎到另一個觀賞日落嘅好地方～蝴蝶灣泳灘
單車記得要泊係出面單車泊位，唔好帶入去呀

Photo credit: 康文署

影左咁多靚相都肚餓啦～係時候醫醫肚！
龍門居食街係區內著名嘅掃街、宵夜之選！香港街頭小食、台式、泰式、四川風味、糖水甜品通通都有，一般小食店仲營業至凌晨，記得唔好錯過啦！

Photo credit: jnp_travelandeat @ IG