【 樂區膠悠遊 Loco vlog #93 】實踩: 青松觀 至 鳴琴路 段

「屯馬單車徑」已經係2020年9月正式啟用，沙田、馬鞍山至大埔段大家應該都踩到滾瓜爛熟，
咁屯門又有咩好去處呢？今集 #樂區膠悠遊 帶大家深入屯門社區，由 青松觀 踩到去 鳴琴路

路線｜青松觀 ＞ 青田遊樂場 ＞ 良景站 ＞ 鳴琴路

青松觀係香港著名道觀，經歷多次搬遷，至1960年喺屯門青山麒麟圍現址建立
觀內建築仿照中國道教名山大殿而成，道觀內有著名嘅純陽寶殿、雲水堂，以及風景秀麗嘅中式園林與亭台樓閣

今集樂區膠悠遊就由青松觀出發！沿住外圍單車徑踩


過埋天橋，對面就係大興邨啦
大興邨亦都係輕鐵拍攝勝地，有興趣嘅朋友不妨過埋對面影番幾張


過左青田遊樂場之後有另一座天橋，黎到呢到特別係反方向一定要小心呀
呢到有個小小轉角，冇留意衝落斜就好危險架啦


今次路線同樣係周圍遊路線，一齊黎沿單車徑繼續踩睇吓可以去邊先
遊走香港嘅舊屋邨，唔難發現水池、小橋流水嘅蹤影
近年因考慮到衞生問題、環保節水以及安全性等問題，唔少水池都面臨清拆或荒廢丟空

屯門離不開輕鐵，而今次經過嘅田景同良景亦係非常值得留影

兩鐵合併前安裝嘅螢幕顯示屏，亦即將面臨淘汰

田景站迴圈內的細葉榕