【 樂區膠悠遊 Loco vlog #95 】實踩: 兆康站 至 湖山河畔公園 段

「屯馬單車徑」已經係2020年9月正式啟用，沙田、馬鞍山至大埔段大家應該都踩到滾瓜爛熟，
咁屯門又有咩好去處呢？今集 #樂區膠悠遊 帶大家深入屯門社區，由 兆康站 踩到去 湖山河畔公園

路線｜兆康站 ＞ 紅橋 ＞ 屯門河畔公園 ＞ 湖山河畔公園

屯門離不開輕鐵，今集嘅起點兆康站擁有獨特嘅三角月台設計，軌道複雜，因此係一個唔錯嘅輕鐵攝點

「紅橋」相信唔少區外朋友都有聽過或者見過，咁係咪條條橋都叫「紅橋」呢？
當然唔係啦！橫跨屯門河嘅嗰條係叫「澤豐橋」呀！
雖然兩條橋唔同名，但結構相似，都有一格格「風景窗」，成為唔少攝影愛好者嘅「相框」

位於紅橋旁邊嘅屯門河畔公園，係區內居民運動熱點
除咗跑步之外，近期仲有由幾位本土藝術家創作嘅藝術裝置登陸屯門河畔
非常適合情侶、一家大細親子遊！