【 樂區膠悠遊 Loco vlog #91 】實踩: 屯門單車匯合中心 至 洪天路 段

「屯馬單車徑」已經係2020年9月正式啟用，沙田、馬鞍山至大埔段大家應該都踩到滾瓜爛熟，
咁屯門附近又有咩好去處呢？今集 #樂區膠悠遊 帶大家深入屯門社區，由 屯門單車匯合中心 踩去 洪天路

路線｜屯門單車匯合中心 ＞ 藍地站 ＞ 藍地大街 ＞ 洪水橋

屯門離不開輕鐵，細心留意可以發現唔少新構圖
拍攝於藍地輕鐵站附近，輕鐵由兆康出發，由高架橋媛媛駛下，配上隔音屏框架，別具特色


喺洪水橋、兆康大興土木嘅同時，位於附近嘅藍地卻保留著六、七十年代嘅風景
你可以係街上見到油雜貨店、舊式百貨店、舊式士多同港式茶餐廳等，有如進入時光隧道

單車徑沿輕鐵路軌一直伸延，隨處都係拍攝輕鐵嘅好地方
但係影相同時記得唔好泊單車係路中心，留意會唔會阻到其他單車徑使用者呀！

黎到洪水橋，當然唔可以唔提呢條隧道，綠色牆身，側面一個個圓形小窗，設計相當獨特