【 樂區膠悠遊 Loco vlog #90 】實踩: 朗屏站 至 兆康站 段

新界單車徑網絡上水至元朗段已經係2020年9月正式啟用
由馬鞍山、沙田可以直接踩入屯門！係過去幾集樂區膠悠遊帶大家踩過沙田至元朗段，
今集我哋就由朗屏站向兆康站進發！順便同大家重溫一下沿途風景～

路線｜朗屏站 ＞ 屏山 ＞ 洪水橋 ＞ 藍地 ＞ 兆康站

由 朗屏站 出發，呢度有2條路線，記得唔好行錯呀
今集我哋就係沿明渠踩


留意沿途大部分小路都不設行人過路燈，過馬路嘅時候一定要睇清楚呀！

黎到屏山站，相信大家都會諗起屏山文物徑，可以將單車泊係鄰近嘅單車停泊處，再步行約10分鐘，即可到達 屏山鄧族文物館

屏山鄧族文物館
係屏山文物徑上點解會有一座英式建築？原來佢係建於1900年嘅舊屏山警署
其後改建為 屏山鄧族文物館暨文物徑訪客中心，介紹屏山鄧族嘅歷史文化同屏山文物徑嘅歷史建築
無論係欣賞文物、睇風景或是打卡都十分幽遊自在，可以悠閑地渡過一個下午

留意沿途有唔少輕鐵平交道，小心車轆會涉入路軌呀！

大西北離不開輕鐵，單車徑沿輕鐵路軌一直伸延，隨處都係拍攝輕鐵嘅好地方
但係影相同時記得唔好泊單車係路中心，留意會唔會阻到其他單車徑使用者呀！


喺洪水橋、兆康大興土木嘅同時，位於附近嘅藍地卻保留著六、七十年代嘅風景
你可以係街上見到油雜貨店、舊式百貨店、舊式士多同港式茶餐廳等，有如進入時光隧道

要前往屯門單車匯合中心有2個方法，一個係沿單車徑至迴旋處前過馬路，亦可以選擇經天橋過對面
橋下亦有單車徑可以前往兆康站