【樂區膠悠遊 Loco vlog #89 】實踩: 洪天路至鍾屋村站段

洪水橋係近期新聞就聽得多，咁你又去過未呢？
北部都會區都仲係好遙遠嘅事，今日嘅洪水橋仍然係一個寧靜嘅社區，
今集樂區膠悠遊就趁佢未變身前帶大家踩入洪水橋單車徑！

元天map 89

路線｜洪天路＞洪福邨＞洪水橋站＞鍾屋村站

今集樂區膠悠遊由洪天路出發，
單車徑會經過一段平交道，記得留意輕鐵，同埋小心車轆涉入路軌坑道

過曬平交道後係第一個路口前轉右就黎到洪福邨啦
近年新界新落成嘅公屋居屋都設有單車徑，當然呢到亦唔例外

去到盡頭轉左回程
如果唔影一旁嘅地盤，都幾有鄉村小鎮風味架

出番黎大馬路就係洪水橋站
黎到洪水橋，當然唔可以唔提呢條隧道，綠色牆身，側面一個個圓形小窗，設計相當獨特

單車徑沿輕鐵路軌一直伸延，隨處都係拍攝輕鐵嘅好地方
但係影相同時記得唔好泊單車係路中心，留意會唔會阻到其他單車徑使用者呀！