【樂區膠悠遊 Loco vlog #84】實踩: 錦上路站 至 鳳翔路 段

新界單車徑網絡上水至元朗段已經係2020年9月正式啟用
由馬鞍山、沙田可以直接踩入屯門！係過去幾集樂區膠悠遊帶大家踩過上水至元朗段，
但係如果嫌上水開始踩太辛苦，想係錦上路站開始踩又得唔得呢？
今集樂區膠悠遊就帶大家由錦上路站向元朗鳳翔路出發！

路線｜錦上路站 ＞ 錦田 ＞ YOHO Midtown ＞ 鳳翔路

由錦上路站東匯路單車徑出發，景色唔比屯馬單車徑差，有高山、小溪流，相當寧靜


一直沿路踩至錦田公路迴旋處，唔見另一段單車徑嘅？
唔洗擔心，單車徑只係隱身係隔音屏後面，只要過埋馬路就見到架啦
留意呢到有唔少車輛駛經，記得要小心呀

隱身係隔音屏嘅單車徑，配上黃色枯葉，有如隱世秘境


沿路單車徑都被綠樹包圍，相當寫意

過埋另一個迴旋處，我哋就開始進入高埔村，呢到嘅單車徑開始變得斷斷續續，大家記得要小心呀


落到黎迴旋處會有 2 個出口，而我哋今次就選擇xxx

去到博愛迴旋處會見到「往元朗」路牌，留意只可以去到元朗單車匯合中心 同 YOHO MALL 架乍！
我哋今次就選擇繼續向前踩

呢條路段比較特別，將會經過商場地面嘅斑馬綫，過馬路嘅時候記得小心睇車啦～

受工程影響，部分單車徑已經封閉，想知點樣繼續行程前往天水圍同屯門？
記得留意下一集樂區膠悠遊啦！