元朗鳳祥路 至 東頭工業區單車路線

路線｜元朗鳳祥路 ＞ 東頭工業區

由於新元朗中心出面嘅單車徑因工程而封閉，如果由 元朗單車匯合中心 出發嘅朋友，就要喺博愛迴旋處單車徑過對面啦！

由元朗鳳祥路出發，向元朗站方向推車前進，直行再轉左至南邊圍單車徑再次上車

繼續沿朗業街單車徑踩，去到強業街有一個路口，可以前往朗屏站，
不過今集作為周圍遊路線，我哋就繼續向前踩啦！

呢度有唔少重型車輛同學車駛經，過馬路嘅時候記得要小心呀～


有睇過loco app嘅元朗地圖都知道，啲單車停泊處真係總有一個喺左近！
到底有幾多？一齊睇下⋯⋯

今次路線會經過較多路口，部分路口可能會被停泊車輛阻擋視線，過馬路嘅時候一定要小心呀！

話咁快就黎到今日嘅終點 — 宏業南街休憩花園
天橋可以通往朗屏站、大橋路、安寧路，但係留意唔係單車徑黎架，所以一定要落車推車，或者泊返喺泊位