錦繡花園 至 元朗單車匯合中心單車路線

路線｜錦繡花園 ＞ 南生圍 ＞ 元朗單車匯合中心

今次路線會經過一段斜路，踩之前記得先檢查煞車是否操作正常，以免發生危險
過馬路後就可以連接下一段單車徑

緊接落嚟就係屯馬單車徑大魔王之一嘅之字路路段，落斜後有兩個彎位，落斜時記得放慢車速
建議單車新手落斜前係安全情況下落車，由行人徑推車過隧道

挑戰完大魔王，又回復番易踩嘅路段，附近遍布魚塘，平靜魚塘水面影照藍天白雲，仿如「天空之鏡」

除左魚塘景觀之外，沿途單車徑綠樹成蔭，十足十去左台灣咁呀！

繼續沿錦田河踩，我哋又黎到單車徑嘅盡頭，橋底通道狹窄，記得互相禮讓！

想去南生圍嘅朋友就要留意啦！過埋橋底後就見到前往南生圍嘅路口，繼續沿錦田河踩就到架啦～


提提你！保護生態環境，請勿將Locobike停泊喺南生圍，踩完入去記得踩番出嚟

我哋繼續出發！繼續沿單車徑踩，呢度落斜斜坡較為狹窄，大家記得要小心呀！

過埋博愛迴旋處，就黎到我哋今日嘅終點 - 元朗單車匯合中心，設有汽水機同公廁
踩左咁耐記得補充水份呀！