【樂區膠悠遊 Loco vlog #81】實踩: 落馬洲至錦繡花園段

新界單車徑網絡上水至元朗段已經係2020年9月正式啟用
由馬鞍山、沙田可以直接踩入屯門！係過去幾集樂區膠悠遊帶大家踩過沙田、大埔、粉嶺、上水，
今集我哋就繼續上集嘅路線，由落馬洲新田向錦繡花園進發！

北區元map 81

路線｜落馬洲（新田）＞文天祥公園＞錦繡花園

今集樂區膠悠遊路線將途經長斜路，踩車前記得先檢查煞車是否操作正常
離開新田運輸交匯處，經過橋底行人路接駁下一段單車徑

過埋馬路，就可以駁番單車徑啦，就咁睇真係幾有吐露港公路嘅味道！

黎到米埔隴路，呢度有唔少重型車輛出入，記得小心睇車呀

輕鬆過後又係長命斜嘅開始⋯⋯如果體力唔夠嘅話記住喺安全情況下先好落車，唔好阻到其他單車使用者呀

呢個落斜位係屯馬單車徑危險路段之一，危險在喺彎路落斜
解鎖單車前記得先試煞車是否正常，避免發生危險

雖然屯馬單車徑有唔少斷斷續續嘅路段，但只要跟住指示牌同沿住單車徑踩，都唔易迷路

離開青山公路轉入攸壆路，係今集樂區膠悠遊最舒服嘅路段，除咗地勢平坦之外，可以一邊踩一邊享受田園景觀

話咁快我哋又到達今集嘅終點錦繡花園