上水站 至 彩蒲苑單車路線

路線｜上水站 ＞ 大頭嶺橋底 ＞ 彩蒲苑

今集樂區膠悠遊由上水站出發，上天橋啦！

呢一段單車徑可以話係上水市區最危險嘅單車徑，連續落斜路段總有一班鍾意行上單車徑嘅行人
所以一定要時刻注意路面情況，落斜前記得先試煞車

樹木圖案隧道

隧道轉左或者轉右一樣得，沿途單車徑綠樹成蔭，仲有陽光照射落嚟嘅樹影，非常舒服

可以見到北區嘅行人隧道真係各有特色，好似呢條位於粉嶺公路下嘅隧道就由紅磚砌成
隧道入面仲有個「秘密基地」添呀！想知咩黎就要留意下一集樂區膠悠遊啦！

過左隧道我哋就黎到彩蒲苑啦
可以選擇過埋馬路繼續行程前往大水管或屯門單車徑