【 樂區膠悠遊 Loco vlog #88 】實踩: 洪水橋站 至 天瑞邨 段

洪水橋係近期新聞就聽得多，咁你又知唔知佢係邊呢？
洪水橋同天水圍都係屬於元朗區，地理位置比元朗市中心更近，
北部都會區都仲係好遙遠嘅事，今日嘅洪水橋仍然係一個寧靜嘅社區，
今集樂區膠悠遊就趁佢未變身前帶大家由洪水橋站踩去天瑞邨！

黎到洪水橋，當然唔可以唔提呢條隧道，綠色牆身，側面一個個圓形小窗，設計相當獨特


單車徑沿輕鐵路軌一直伸延，隨處都係拍攝輕鐵嘅好地方
但係影相同時記得唔好泊單車係路中心，留意會唔會阻到其他單車徑使用者呀！

單車徑會經過一段平交道，記得留意輕鐵，同埋小心車轆涉入路軌坑道

單車徑沿路被綠樹包圍，非常舒服

見到一座座居屋，代表我哋即將進入天水圍啦

天水圍河畔徑係區內其中一個熱門休閒散步嘅好地方，單車徑亦沿河伸延，兩旁都有樹蔭，相當寫意

天水圍嘅單車徑一般都係沿輕鐵而建，所以就出現左天瑞呢段突然收窄嘅單車徑啦
駛經嘅時候記得小心禮讓呀～