天水圍單車網絡四通八達，連接各個屋苑同商場，
喺【樂區膠悠遊 Loco vlog #27】就帶大家踩左天水圍河畔徑嘅其中一邊
今集我哋不如就踩埋另一邊啦，順道介紹 2 個輕鐵迷必影攝點！

路線｜ 天瑞徑 ＞ 天水圍河畔徑 ＞ 天逸 ＞ 天富

天水圍河畔徑

天水圍河畔徑係區內其中一個熱門休閒散步嘅好地方，單車徑亦沿河伸延，兩旁都有樹蔭，相當寫意
上次帶大家踩左天瑞邨外嘅一段單車徑，今集我哋就踩埋另一段啦！

同對面嘅單車徑一樣，沿途都有唔少分岔路口，可以連接各個屋苑

而今次我地就選擇去到天秀路上橋過對面


話咁快就黎到今集第一個影輕鐵熱點
可以影到輕鐵由天逸總站轉出黎一刻，更係少有可以拍攝拖卡「標準相」嘅位置

影完仲唔夠喉？一齊過埋對面，踩到黎天富站又有另一個攝影點
可以影到輕鐵由頌富站落斜路，仲有頌富站同屋苑做背景，相當獨特

*影相同時亦要注意安全，切勿進入路軌範圍
亦唔好將locobike泊入輕鐵站，以免阻礙他人