【 樂區膠悠遊 Loco vlog #86 】實踩: 天恩邨 至 天水圍運動場 段

天水圍單車網絡四通八達，連接各個屋苑同商場，
但係個個屋苑名都差唔多，橋又差唔多，都幾易盪失路架
今次樂區膠悠遊帶大家由天恩邨出發，前往天水圍運動場 ～

路線｜天恩邨 ＞ 天水圍河畔徑 ＞ 天華邨 ＞ 天瑞 ＞ 天水圍運動場

雖然迴旋處有天橋連接各個屋苑同商場，不過帶住locobike又好難入商場過馬路
今集樂區膠悠遊就由天恩邨出發！沿住天華路踩至天水圍河畔徑過對面繼續行程

輕鐵係天水圍重要交通工具之一，周圍都可以發現拍攝輕鐵嘅題材
位於天華邨外一段斜路路段，睇起上嚟平平無奇，原來係朝早同夜晚部分時間識噴水添架！
相信目的係為左減少嘈音，所以只有清晨同深夜先影到架乍～

天水圍嘅單車徑一般都係沿輕鐵而建，所以就出現左天瑞呢段突然收窄嘅單車徑啦
駛經嘅時候記得小心禮讓呀～

係運輸署嘅單車徑地圖可以睇到呢段路比較特別，彎彎曲曲，到底係咩呢架呢？

原來係一個大型單車泊位⋯⋯
留意單車徑嘅兩邊就係樂湖站同商場，有唔少街坊過馬路，記得小心注意呀！