【樂區膠悠遊 Loco vlog #25】實踩: 塘坊村站 至 朗屏港鐵站 段
元朗市區嘅單車徑較其他區相對簡單，主要分布喺元朗大馬路嘅外圍
但係其實來往屏山同元朗市區都非常方便架！
今集樂區膠悠遊就帶大家踩另一條通勤路線，由塘坊村站向朗屏港鐵站出發！
路線：塘坊村站 至 朗屏港鐵站
由塘坊村站起步，沿著輕鐵路軌踩，好快就黎到 屏山站 可以將單車泊係鄰近嘅單車停泊處，再步行約10分鐘，即可到達 屏山鄧族文物館
屏山鄧族文物館
係屏山文物徑上點解會有一座英式建築？原來佢係建於1900年嘅舊屏山警署
其後改建為 屏山鄧族文物館暨文物徑訪客中心，介紹屏山鄧族嘅歷史文化同屏山文物徑嘅歷史建築
無論係欣賞文物、睇風景或是打卡都十分幽遊自在，可以悠閑地渡過一個下午
參觀完之後繼續行程，踩多5-7分鐘就見到鐵路橋，代表我地即將到達終點啦，可以選擇直接右轉前往港鐵站
而今次路線屬於周圍遊路線，所以我哋就左轉繼續行程，呢條係圍繞朗屏邨同楊屋新村嘅單車徑
留意朗屏邨周邊為 政府指定禁停區 地圖上橙色區域嚴禁停泊，如果要泊低單車，可以選擇朗屏港鐵站嘅單車停泊處
注意事項：本路線為周圍遊路線，並不是最快路線
