【 樂區膠悠遊 Loco vlog #99 】實踩: 兆禧苑 至 屯門站 段
全港最長同最多車站嘅屯馬綫鐵路黎緊又再延長啦！
將會由屯門站向南延伸至屯門碼頭附近嘅新終點站-屯門南站
預計2023年展開建造工程，今集樂區膠悠遊就率先帶大家由兆禧苑踩去屯門站探探路！
路線｜兆禧苑 ＞ 天后橋 ＞ 屯門站
更年香港多左唔少特色球場，而係兆禧苑就有一個啦！
球場以「笑，嘻」為主題，藍色同橙色做主色，鮮艷奪目
除左籃球場外，仲設有緩步跑徑同平衡車賽道
未來嘅屯門南站選址於兆禧苑同湖景邨之間嘅湖景路興建
呢到亦係我哋今集嘅起點
經天橋過對面海皇路單車徑後繼續行程
沿途單車徑大致平坦，輕鬆易踩
唯一需要小心沿途會經過幾個屋苑出入口，記得留意路面情況
沿路會經過一座仿古橋，由於佢連接屯門市鎮公園同天后廟廣場，亦稱為「天后橋」
講到「天后橋」當然唔可以唔介紹佢嘅威水史啦！全長約86米嘅行人橋工程費用竟達港幣1.345億元，難怪被指為天價大白象工程
繼續沿單車徑踩，就會到達今集嘅終點 - 屯門站
屯門站附近設有單車停泊處，踩完車記得泊番好呀～
