【樂區膠悠遊 Loco vlog #54】實踩: 火炭旭禾苑 至 石門 段

沙田區交通非常方便，有成14個港鐵車站，全港最多！
但係如果由火炭去石門唔通仲搭火車兜大圈咩？
作為傳統單車城市，今集 #樂區膠悠遊 就帶大家由石門向大學站進發！

路線｜火炭旭禾苑 ＞ 石門

今集 #樂區膠悠遊 由火炭旭禾苑出發
沿單車徑踩 11 分鐘就係火炭站

有冇覺得呢條隧道熟口熟面呢？

呢條其實就係電影 《幻愛》其中一個取景地方，而呢個畫面嘅輕鐵當然就係後期加上去架啦～

Photo source: 電影宣傳片截圖

之後我哋就繼續大家非常熟悉嘅路段

較早前嘅膠悠遊路線就帶大家踩過沿大老山公路嘅單車徑
原來喺石門工業區入面仲有另一條單車徑架！

過左濱景花園同小學，有一個單車徑路口，大家有冇踩過入去呢？
今次我哋就發揮「膠」悠遊精神，踩入去睇吓係去邊

原來呢個路口係可以去到石門工業區入面至安心街
石門工業區入面有唔少大車駛過，踩單車嘅時候記得要小心啦