【 樂區膠悠遊 Loco vlog #53 】實踩: 沙田紅梅谷路 至 沙田新城市廣場 段
沙田係傳統單車旅遊熱點，單車徑網絡非常完善，可以話係四通八達！
今集就帶大家由紅梅谷路，經：車公廟、新田圍，前往沙田新城市廣場
路線｜紅梅谷路 ＞ 車公廟 ＞ 秦石邨 ＞ 車公廟站 ＞ 沙田新城市廣場
我哋今次由紅梅谷路近田心邨出發！
同樣地需要踩上八爪魚天橋，橋上有幾個單車徑出口
而我哋就選擇左新翠邨出口落
大家平時踩單車大多都會沿城門河咁踩，今集樂區膠悠遊就選擇直踩黎到車公廟啦！
位於沙田嘅車公廟係沙田區最出名嘅廟宇，去到車公廟就梗係要轉一轉神壇前嘅銅風車，一齊轉個好運！據說300多年前，沙田一帶瘟疫橫行，村民相信車公顯靈令瘟疫解除，便建廟供奉。車公廟後來於1994年完成改建，原廟則位於現廟後方，平日唔會開放～
踩單車嘅時候我哋都會發現一啲單車徑出口，你又知唔知係去邊架呢？
離開車公廟繼續向前踩過埋隧道，就會黎到秦石邨，而單車徑嘅盡頭就係巴士總站
近年唔少屋邨商場、街市都進行大翻新，秦石邨街市亦唔例外，因鄰近車公廟，特別將車公廟同古典中式建築元素融入設計入面，更增設中式酒樓同小食街，滿足街坊各種飲食需求（民坊圖片）
離開秦石邨，番到去車公廟站繼續沿城門河踩
往科學園方向嘅單車徑有兩個選擇，一個係左轉經大圍工業區，另一個係大家常踩嘅文化博物館路段，今次我地就選擇比較少人踩嘅大圍工業區路線啦～
今次路段有一段較斜嘅天橋，落斜嘅時候記得小心盡頭會有行人路過
落橋後繼續沿單車徑踩，留意因為工程關係，拍攝當天單車徑只能通往沙田新城市廣場
單車徑嘅盡頭設有單車停泊處，用完單車記得泊番好呀～
⚠️ 因工程關係，部分單車路段可能會臨時封閉，請依現場指示為準
