【樂區膠悠遊 Loco vlog #46】實踩: 沙田鄉事會路 至 火炭旭禾苑 段

沙田係傳統單車旅遊熱點，單車徑網絡非常完善，可以話係四通八達！
同一個起點，同一個目的地，都有唔同路線可以選擇！
今集 #樂區膠悠遊 帶你由 沙田鄉事會路 經瀝源、禾輋，前往火炭旭禾苑

路線｜沙田鄉事會路 ＞ 瀝源邨 ＞ 禾輋邨 ＞ 火炭站 ＞ 火炭旭禾苑

新城市傢俬店相信唔少朋友都去過，咁你又知唔知道呢到都有條單車徑呢？
今集樂區膠悠遊由沙田鄉事會路出發，一開始就係大斜路啦，如果體力不足嘅朋友記得喺安全情況下落車推車啦


過左天橋會有一段U字型落斜路段，落斜前記得檢查煞車是否操作正常

平時大家踩單車通常都會沿城門河踩
而今次我哋就踩另一條路線，就係位於瀝源邨同禾輋邨後方嘅單車徑，呢條單車徑明顯少人得多

過咗禾輋邨後轉左落隧道，有冇覺得呢條隧道熟口熟面呢？

呢條其實就係電影 《幻愛》其中一個取景地方，而呢個畫面嘅輕鐵當然就係後期加上去架啦～

Photo source: 電影宣傳片截圖

過左幻愛隧道後沿住單車徑踩，火車會係旁邊駛過，唔少鐵路迷都會係到取景

繼續沿單車徑踩，就會到達今集嘅終點火炭旭禾苑
提提大家，旭禾苑外設有單車停泊處，千祈唔好將Locobike泊入屋苑呀～