【樂區膠悠遊 Loco vlog #47】實踩: 沙田第一城 至 沙田鄉事會路 段

沙田係傳統單車旅遊熱點，單車徑網絡非常完善，可以話係四通八達！
同一個起點，同一個目的地，都有唔同路線可以選擇！
今集 #樂區膠悠遊 帶你由 沙田第一城 經田園閣，前往沙田鄉事會路

路線｜沙田第一城 ＞ 沙燕橋 ＞ 沙田鄉事會路 ＞ 新城市中央廣場

今集 #樂區膠悠遊 由沙田第一城出發
如果講到去沙田站，大家可能會諗到沿城門河嘅單車徑踩
但係今集我地反其道而踩！

由沙田第一城出發，向威爾斯醫院方向踩
呢條單車徑對比外面顯得清靜

過完馬路之後就準備落斜啦
留意斜路盡頭有行人過路，記得注意車速，小心慢踩

沙燕橋

相信睇過電影 點五步 嘅朋友對呢個名一定唔會陌生，
佢名字由來係原自1980年代初首支華人少年棒球隊「沙燕隊」
成立翌年出戰香港少棒聯盟公開賽即奪得冠軍，成績斐然
後來沙田區議會同民政署決定將呢條橋命名為「沙燕橋」

經過沙燕橋後，我哋就黎到同樣係電影 點五步 嘅拍攝場地 — 瀝源邨、禾輋邨
瀝源邨係沙田首個公共屋邨，1975年落成入伙，以榮、華、富、貴、福、祿、壽為7座樓中文名稱字首

而旁邊嘅禾輋邨則係第二個落成嘅公共屋邨，1977年入伙，其中有六座為雙塔式大廈（井字型）設計

上完一條斜路無耐，又有另一條斜路等住我哋啦
踩單車記得量力而為，如果唔夠力上斜，就係安全情況下落車推車

過左呢條天橋，我哋就到達今日嘅終點 — 沙田鄉事會路
新城市中央廣場外面設有單車停泊處，記得泊好啲，唔好阻到其他人呀！