【樂區膠悠遊 Loco vlog #45】實踩: 石門 至 大學站 段

沙田區交通非常方便，有成14個港鐵重鐵車站，全港最多！
但係如果由石門去大學站唔通仲搭火車兜大圈咩？
作為傳統單車城市，今集 #樂區膠悠遊 就帶大家由石門向大學站進發！

路線｜石門 ＞ 水廠街 ＞ 大學站

由石門遊樂場出發，一過隧道就出番黎大家非常熟悉嘅城門河


呢一段單車徑明顯比馬場少人，但係景色都唔差架！

再黎到差唔多每次踩單車都一定會路過嘅孖橋，過往大家可能都係快快地踩過
不如搵次試吓停低落嚟，欣賞下城門河兩岸景色


過左馬房轉入水廠街，今次我地選擇左轉上斜路
可能唔少朋友都踩車經過過，但唔講唔知，原來呢到係鐵路迷熱門攝影點黎架！
下次路過不妨影張靚相

落斜路後走入綠色隧道，代表我哋好快就到達目的地

單車徑嘅盡頭就係大學站，設有單車泊位，踩完車記得泊番好啦～