【 樂區膠悠遊 Loco vlog #34 】實踩 : 香港恒生大學 至 圓洲角綜合大樓 段

沙田單車徑發展完善就大家都知
咁你又知唔知原來小瀝源山上都有單車徑架呢？
今集樂區膠悠遊就教大家由香港恒生大學落番山去圓洲角綜合大樓

由香港恒生大學踩車落山有2個方法，一個係由公廁旁邊單車徑起步，另一個係先上山後落山路線
loco明白大家都非常鍾意挑戰踩上山，所以就選擇上山路線啦～

單車徑旁邊綠樹成蔭，踩起嚟都唔會太辛苦
但係需要留意單車徑上可能會有等車或散步嘅街坊呀～

過左廣源邨係一段較長嘅落斜路段，落斜前記得先試煞車，亦唔好係斜路中途停留，以免發生意外

我哋又番到黎啦～

再踩多5-7分鐘，就會到達今日嘅終點～圓洲角綜合大樓
圓洲角綜合大樓喺2017年全面啟用，設有圖書館、學生自修室、體育館，更有戶外運動攀登牆，想溫書或動動一樣得！