【樂區膠悠遊 Loco vlog #30】實踩 : 大圍站 至 海福花園 段

沙田區嘅單車網絡完善，除左休閒用途之外，
當然可以用嚟放工番屋企啦～
今日就帶大家由大圍站出發，圍繞美林一圈到海福花園～

路線｜
大圍站 A 出口 > 博雅山莊 > 美林邨 > 美田邨 > 大圍站 B 出口

大圍站係loco熱門租還車地點之一，大圍站A出口、成全路單車泊位會較大機會搵到loco單車
但係留意呢到係區內繁忙嘅路段，小心單車之餘都要小心行人呀！

經過火車橋旁邊嘅單車徑，可以停低落嚟，欣賞火車呼嘯而過嘅畫面

博雅山莊

再踩多2-3分鐘，會見到一座古色古香嘅城樓，城樓上寫著「博雅山莊」
其實佢前身係 梅苑別墅 同 合興隆魚翅廠，當時估地達四萬多平方呎
後來因興建城門隧道而迫被拆卸大部分建築物，只餘下宜家見到嘅城樓部分

繼續沿單車徑踩，會途經多個屋苑：美林邨、美田邨、美城苑等，沿途綠樹成蔭，路段亦比較平緩，相對輕鬆

沙田單車徑網絡完善，又點會得一條路黎到呢
有較好體力嘅朋友不妨試試呢條路線～

繼續沿美田邨外單車徑踩至美輝街右轉，就黎到大斜路啦！
真係少啲體力都唔得呀

踩埋第二個斜路，話咁快就到黎海福花園，亦係今次樂區膠悠遊嘅終點
只要上番天橋就可以番到大圍站，繼續你嘅行程啦～