【 樂區膠悠遊 Loco vlog #32 】實踩 : 大水坑單車公園 至 歷奇單車場 段

大水坑單車公園可能唔少朋友細細個都去過，但覺得唔夠刺激？
今日就跟樂區膠悠遊一齊去全港唯一嘅歷奇單車場，一齊挑戰挑戰

路線：大水坑單車公園 > 歷奇單車場

今次我地由大水坑單車公園出發，即刻打開 loco app 睇吓邊到有單車先！
留意Locobike只提供成人單車租借服務，如果有帶小朋友嘅家長，可以到大水坑單車公園嘅租單車攤檔租用小朋友單車～

今次嘅路線同之前有啲唔同，經過孖橋記得唔好轉彎過對面岸呀

今次我哋踩嘅係石門工業區後面嘅單車徑，唔好以為呢條路冇乜人呀，因為單車徑連接碩門邨同學校，所以平時都唔少人用黎番工番學或者散步架，踩嘅時候記得小心行人呀

歷奇單車場

穿過碩門邨過埋橋就黎到今日嘅終點：歷奇單車場
單車場佔地3.4公頃，有好多彎路同上落斜起伏路段，當然唔少得呢到嘅最大特色：專門比單車踩嘅石春路，啱曬大個啲嘅小朋友黎挑戰一下！