大圍站 至 顯徑站單車路線

路線｜大圍站 ＞ 八爪魚天橋 ＞ 田心村 ＞ 顯徑站

大圍站係loco熱門租還車地點之一，大圍站A出口、成全路單車泊位會較大機會搵到loco單車
但係留意呢到係區內繁忙嘅路段，小心單車之餘都要小心行人呀！

由大圍站A出口出發，向城門河方向踩至近車公廟落隧道至對面新翠邨單車徑
大圍嘅*八爪魚天橋* 相信冇人唔識，佢喺1998年落成，連接各個屋苑同港鐵站，因外型酷似八爪魚而得名，橋上亦設有單車徑，連接大圍站、新翠邨、紅梅谷路、名城，記得小心行人，按交通標誌指示落車推車呀

沿紅梅谷路斜路落斜，至田心街轉右，記得小心單車徑上嘅行人
位於望夫山下嘅田心村，原名田心圍，相傳該村建於明末，因四周都係農田，村建於其中而得名


經過雲疊花園落隧道後過埋紅綠燈，就到本集最後大直路！
顯徑站外設有單車停泊處，踩完單車記得泊番好啦～