【樂區膠悠遊 Loco vlog #6】實踩: 孖橋 至 泥涌段

馬鞍山係個沿海嘅新市鎮，可以踩住單車沿海濱長廊由大水坑踩到去烏溪沙
沿途風景宜人，可遠眺中文大學，路線平緩易踩，啱曬一家大細

今日就跟住locobike由孖橋出發，經馬鞍山公園、烏溪沙青年新村，去到泥涌石灘打卡兼睇日落

路線｜
孖橋 - 大水坑單車公園 - We Go MALL - 馬鞍山公園 - 烏溪沙青年新村 - 泥涌石灘

孖橋

• 連接城門河兩岸至大埔嘅主要單車徑，踩開單車嘅一定識就唔多介紹啦
• 黃昏時分望住兩邊嘅城河景同馬鞍山沿海，望到萬家燈火會特別有感呢～

We Go MALL

• 踩到攰，又想補給糧草，可以入單車徑旁嘅We Go MALL涼下冷氣
• 商場設有單車友善設施，設有約20個單車泊位
• 設有多間食肆、超市及便利店，抖完又可以再踩

馬鞍山公園

• 公園入面有一大片草地，仲有大型歷奇迷宮，啱曬小朋友跑跑跳跳放下電
• 公園內有洗手間同小食亭，有需要補給嘅話可以黎呢買野飲同野食

泥涌石灘

• 石灘上有一座石橋，可以企上去以大海作為背景，潮退嘅時候更會出現斷橋部分，係IG熱門打卡位置
• 唔想濕水都冇問題，沿住紅色木欄杆行，可以遠眺對岸八仙嶺同船灣淡水湖一帶，繼續向前行仲有幾個必影位，包括 #泥涌碼頭、#日系森林 等 photo credit：qkeylee @ IG

photo credit：thehkcouple @ IG

注意事項｜
1.西沙路近利安要上一條長斜路，及其後隧道可能有車轉入，有瞎點位，要注意車速
2.留意潮汐時間, 泥涌石灘在潮退時觀景比較好！
3.踩完單車記得泊番好係單車停泊處，唔好阻到人呀