粉嶺站 至 清河單車路線

路線：粉嶺站 ＞ 保榮路遊樂場 ＞ 清河

講到粉嶺站附近有咩單車徑，大家可能都會諗起近百和路嘅一段
不過其實喺C出口小巴站旁邊嘅天橋都有條單車徑架

疫情底下，球場封閉，平時熱鬧嘅球場變得冷清


沿新運路繼續踩至粉嶺圍，就會黎到大斜路
站在橋上可以見到筆直嘅路軌，呢度亦係鐵路迷喜愛嘅攝點之一

落斜啦！
呢度有唔少街坊行經，記得注意車速同周圍路面情況

喺北區踩單車嘅時候唔難發現寵物公園，原來單單喺粉嶺上水就已經有 3 個啦！

咦？點解頭先唔轉彎嘅？
作為膠悠遊路線，當然要睇多啲啦！

沿住單車踩可以前往北區醫院同太平邨


兜完個圈，我地就黎到清河邨啦～
清河邨設有單車停泊處，踩完車記得泊番好啦！