聯和墟 至 皇后山單車路線

路線｜聯和墟 ＞ 龍躍頭 ＞ 皇后山

講到聯和墟，相信唔少人都會諗起「聯和市場」
市場於1951年啟用，以三合土建造，共有60個檔位，當年除左現存嘅建築外仲有露天巿場
2002年由公營嘅聯和街市取代，並於同年9月26日停止運作
未來聯和市場將變身成「城鄉生活館」，推廣本地農產品，並設立社區小店、攤檔以及不定期墟市


雖然聯和市場仲未變身，不如聯和墟仲有唔少隱藏小食架
多間街坊小店任你揀：鹹牛肉蛋多士、原隻豉油雞脾包、長期有人排隊20年腸粉店等


離開聯和墟，出發前提提你，聯和墟隧道彎位較多，而且唔少街坊行經，
踩車前記得先檢查煞車係咪操作正常，落斜時小心慢踩

難得黎到附近，當然要入埋去龍躍頭文物徑睇下啦
上次同大家行過南段，今次就行埋另一邊啦～

覲龍圍又名新圍，係粉嶺龍躍頭鄧族五圍之一，亦係區內保存極完好嘅圍村建築
根據覲龍圍門樓石額上嘅刻字「覲龍 乾隆甲子歲吉月穀旦立」，圍牆係喺1744年建成
為避免對居民造成滋擾，內部並不對外開放，亦唔好將locobike留喺村入面呀！

沿路離開，遠遠已經望見皇后山邨

第一次錄影嘅時候皇后山單車徑仲有部分做緊工程
不過第二次去已經整好啦～
上山嘅朋友可以經迴旋處單車徑接駁下一段單車徑

提提你：
為己為人，打卡探險完畢，都要帶番locobike走呀～