大水管 至 上水單車匯合中心單車路線

大水管 ＞ 塱原濕地 ＞ 上水匯合中心

大水管一直都係文青打卡勝地，相信大家都曾經留過唔少腳印！
不過好可惜大水管唔少範圍都已經被圍封啦，想影相嘅話就只可以係地下影啦
番出上水嘅話共有2條路可以選擇，除咗單車徑之外
大水管外嘅車路一樣出得番去

講到打卡，其實仲有另一個位遠在天邊近在眼前
就喺河嘅對面做緊工程嘅地方原來就係「雀鳥天堂」之稱嘅塱原濕地
每逢冬季都有一班熱愛觀鳥嘅朋友黎到朝聖

photo credit：john.lam.photographic.channel @ IG
塱原除左係觀鳥勝地之外，佢亦擁有唔少農田、淺水池、稻米田、魚塘、沼澤等
未來將會成為生態公園，分為「生態區」、「農業區」同「訪客區」，預計2023年完成

離開塱原濕地番去上水途中，竟然發現一部熱狗巴士
原來佢喺2010年退役後，就被選中成為上水廠工程部貨倉，暫時逃離劏車嘅命運

轉埋個彎就黎到上水單車匯合中心
影相時正值停晚市時期，雖然疫情期間，但圍封單車徑實在令人不解