【樂區膠悠遊 Loco vlog #72】實踩: 粉嶺中心 至 粉嶺站

疫情底下，單車成為熱門活動之一
粉嶺 - 可以話係一直只被視為中途站
最多人踩嘅可能係踩去大水管、屯馬單車徑嘅一段
今集樂區膠悠遊帶大家深入粉嶺，由 粉嶺中心 踩去 粉嶺站！

路線｜粉嶺中心 ＞ 一鳴路公園 ＞ 蓬瀛仙館 ＞ 粉嶺站

粉嶺單車徑被鐵路同公路分隔，如果要過對面就需要經天橋過啦
由粉嶺中心後方嘅單車徑出發，好快就黎到粉嶺高難度天橋之一，難在一路上斜一路轉，單車新手就要留意啦～


唔講唔知！原來呢到亦都係鐵路迷經典攝點之一
有幾經典？經典到唔少中小學教科書都可以搵到當年嘅相呀！

喺北區踩單車嘅時候唔難發現寵物公園，原來單單喺粉嶺上水就已經有 3 個啦！

沿百和路繼續踩，穿過公園就會番到粉嶺站架啦～

蓬瀛仙館

• 香港嘅道教聖地，館內建築充滿傳統中國色彩，並有展現信仰、養生、道家哲學嘅「道德經壁」
• 館內嘅特色建築如燭爐、求籤部亦係攝影愛好者必影之地，而花園內嘅大涼亭更可遠眺粉嶺全景
• 蓬瀛仙館嘅齋菜亦都係頗為出名，有興趣嘅朋友記得去試下啦