【樂區膠悠遊 Loco vlog #68】實踩: 粉嶺樂業路 至 皇后山 段

隨著山麗苑同皇后山邨陸續入伙，除左居住人口大增之外，仲有唔少朋友黎到尋幽探秘
喺大家尋找皇后山印度廟嘅同時，有冇遺忘左係佢附近嘅龍躍頭文物徑呢？
今集 樂區膠悠遊 帶大家由 粉嶺樂業路 踩去 皇后山 ～

路線｜ 粉嶺樂業路 ＞ 龍躍頭文物徑 ＞ 皇后山

由粉嶺樂業路出發，好快就見到隧道，當然唔係落去啦
跟住黃色牌指去上水方向就啱架啦～



繼續沿單車徑踩，黎到呢個非常出名盪失路嘅迴旋處
唔洗擔心，呢個有個相信係單車友放置嘅得意小路牌
認埋安樂村路牌就冇有怕啦！

黎到安居街、馬適路口地盤，就遠遠見到皇后山邨啦～

難得黎到附近，當然要入埋去龍躍頭文物徑睇下啦
松嶺鄧公祠 係本港最具規模嘅祠堂之一，約建於一五二五年，以紀念開基祖鄧松嶺公
松嶺鄧公祠採用三進式建築，建築物內外嘅精緻木刻、灰塑、陶塑同壁畫，充分反映昔日工匠精湛嘅技藝

祠堂旁邊嘅天后宮，係龍躍頭地區嘅主要廟宇，其建造年份已難以稽考
正殿供奉天后及其侍神千里眼同順風耳，後進東面偏殿嘅兩個古鐘，係廟內現存最古老嘅文物（鑄於康熙三十四年）

離開龍躍頭文物徑，再次回到單車徑，皇后山邨愈來愈近
山下嘅單車徑斷斷續續，而且經常有車停泊喺路口，如果落馬路嘅話一定要小心睇車！
唔熟踩單車嘅朋友就建議落車推車啦～

第一次錄影嘅時候皇后山單車徑仲有部分做緊工程
不過第二次去已經整好啦～
上山嘅朋友可以經迴旋處單車徑接駁下一段單車徑