將軍澳，Locobike三大熱門地區之一，有別於傳統單車新市鎮沙田、大埔，
將軍澳嘅單車徑自成一角，雖然唔可以踩去其他區，但亦因為咁成為將軍澳居民一種區內代步方式

今集 樂區膠悠遊 帶大家由香港單車館食飽飽，再出發去調景嶺站！

路線｜
__香港單車館 > 牧羊少年咖啡館 > Ocean PopWalk > 調景嶺站
__

香港單車館聽個名就知犀利啦！但係我踩單車又冇運動員咁勁⋯⋯
其實單車館唔只係得單車賽道嘅，仲有健身室、兒童遊戲室等設施
唔想做運動都唔緊要！

牧羊少年咖啡館

提到牧羊少年咖啡館，相信唔少朋友仔都有去過！而位於香港單車館嘅尼間分店，亦係最多人鐘意嘅一間分店～
尼度嘅環境較為清靜舒適，仲有個大玻璃窗，可以望曬外面嘅草地同小水池！最適合同朋友踩單車前，坐低嘆個lunch或者下午茶再出發！

館外仲設有「單車共用通道」，可以貫穿坑口同尚德，踩車同時記得注意行人呀～

沿住單車徑踩，可以發現將軍澳真係愈來愈多商場呀！
除咗Don Don Donki之外，仲有好多中、西、日、韓、打卡cafe任你揀！

食飽飽想行一陣嘅不妨黎行下呢條位於調景嶺站旁邊嘅 華永行人徑，全長1500米，只需步行約20分鐘，即可抵達將軍澳華人永遠墳場，沿途設有多個觀景台，可以飽覽藍塘海峽美景


留意呢個入口開放時間係上午8：30am – 下午5：00pm，只供行人使用，單車要泊番喺單車停泊處，唔好帶入去呀！