【樂區膠悠遊 Loco vlog #21】實踩: 寶琳站 至 調景嶺站

將軍澳單車徑規劃完善，可以話係四通八達，連接各個屋苑、港鐵站，
今日就帶大家由寶林站出發，經寶康公園，去調景嶺膠悠遊！

路線：寶林站 > 寶康公園 > 調景嶺站

寶康公園
呢個係香港其中一個最大型嘅公共兒童遊樂場，公園佔地共4.13公頃，共設有8套唔同主題嘅遊樂設施（包括鞦韆、攀爬架、滑梯及遊戲板等等），啱曬唔同年齡嘅小朋友！

公園入面嘅遊樂設施款款都造型獨特，包括探險船、高高低低嘅攀爬架，真係玩極都唔厭呀！

華永行人徑
位於維景灣畔單車徑旁邊嘅華永行人徑，全長1500米，只需步行約20分鐘，即可抵達將軍澳華人永遠墳場，沿途設有多個觀景台，可以飽覽藍塘海峽美景

留意呢個入口開放時間係上午8：30am – 下午5：00pm，只供行人使用，單車要泊番喺單車停泊處，唔好帶入去呀！

單車新手練習之選
單車新手唔敢喺多人嘅單車徑踩？唔洗怕！維景灣畔旁邊有一條掘頭路單車徑，一般唔會有太多單車駛入，慢慢練都唔洗怕啦～