常見問題
找不到你的問題？ 請電郵至 hello@loco.hk 查詢，及在電郵中留下自已既登記電話號碼
locobike 係咩嚟㗎？
locobike 係一個香港共享單車品牌，透過App為大家提供輕鬆方便嘅24小時單車租借服務， 唔駛帶現金都可以隨時隨地踩單車。我哋希望為香港人提供多一種環保嘅交通工具，解決短距離嘅交通需要，無論係返工返學、買餸釣魚定消閒運動都一樣踩得。我哋期望 locobike 可以連繫社會，刺激本土消閒活動嘅消費，等大家開心啲，互動多一啲。
登入唔到點算？
撥號認證後，請於 1 分鐘內登入，逾時請重新撥號認證。
如手機支援雙 SIM 卡功能，請先關閉/移除不適用的 SIM 卡再試。
收費係幾多？
客戶可以喺「我的錢包」-＞「增值」直接選擇合適的計劃，並留意計劃的內容細節。
如對計劃內容有任何疑題，用戶請電郵至 hello@loco.hk 查詢。
點幫 locobike 增值？
先喺APP入面“我的錢包-＞信用卡管理“加入信用卡，輸入信用卡資料，注意我們只接受 Visa、Master Card、銀聯^。
及後在“我的錢包-＞增值“中選擇你需要的服務。^ 只接受香港發行的銀聯信用卡
可唔可以退返 locobike 嘅款項？
客戶出示醫生證明永久不適合此活動，而使用次數低於3次，可申請退還款項。
如果無信用卡，咁可以點做？
可以考慮到 7-11或OK 便利店購買預付 Master Card，或使用 八達通 Master Card 增值。八達通 Master Card 教學
點先租到 locobike？
方法好簡單，只需預先安裝Locobike App，開啟App內嘅地圖功能尋找附近嘅單車，打開手機藍芽，將手機靠近智能鎖，使用APP內鏡頭掃瞄車身或鎖上既QR Code 就可以解鎖！
用完記得泊返喺公共單車泊位，或其他指定嘅停泊點，手動上鎖，停止計費就搞掂。記得顧己及人，泊好車唔好阻到人啊！
* 踩單車注意事項，請參閱踩單車安全提示
一個帳戶同時可以租幾多架單車？
為確保可追蹤單車及道路安全，一個電話號碼只可以申請一個帳戶及同時開啟一架單車。
手機號碼失效怎樣登入?
如手機號碼失效，用戶則無法再次登入，戶口亦會失效。
如App還在登入狀態，用戶可續繼使用服務。開鎖失敗可以點做？
可嘗試重新啟動手機，及後打開手機藍芽，確保電話沒有連接其他藍芽裝置，再使用APP內鏡頭掃瞄車身或鎖上既QR Code。
我嘅個人資料同信用卡資料安全嗎？
我哋十分重視你嘅私隠及個人資料安全。你嘅個人資料同信用卡資料會經過加密渠道傳送到我哋嘅伺服器。我哋係絕對唔會保留你嘅信用卡資料，當你輸入信用卡資料後，我哋會將資料直接傳送到付款閘處理增值，一百個放心！
夜晚行車要唔要頭尾燈？
現時法例規定晚間或能見度低時，必須亮起車頭白燈和車尾紅燈，違例者可被罰款$2000港元。用戶可以自備頭尾燈，或者到LocoMart購買Locobike專用單車燈。
-> Locobike專用單車燈：傳送門
踩之前可唔可以 Check 車？
我哋有兩分鐘檢查時間，只要喺頭兩分鐘內發現單車有任何問題，即時手動上鎖，帳戶唔會計算任何費用。
點開調較座位高度？
可以參考我地係 Facebook 既教學。
可以喺邊度泊車？
大家可以喺地圖上搵到綠色P字位置，代表運輸署公開數據內嘅公共單車泊位位置，大家只要泊返好架車喺度就得喇。如果附近真係無單車泊位，可以泊喺唔影響市民生活同唔好阻塞重要交通通道嘅位置。
* 地圖上點睇邊啲係禁泊區域？請參閱地圖圖標說明信用分係咩嚟？
用戶默認起始信用分為100分，最低信用分為0分，分數越高，代表用戶規範使用Locobike ，分數越低，代表用戶在使用過程中出現不恰當行為。
信用分降為 0 用戶將無法使用的 Locobike。
本公司有權扣除用戶在本公司戶口內的餘額以作賠償。若戶口內餘額不足以清償罰款，本公司有權向用戶追討賠償金額。詳細信用分加減及罰款事項，請參閱《守則》。結束行程如何上鎖單車？
踩完泊返好，手動鎖車，把靠近尾碌上方的智能鎖拉下，按下單車頁面上的結賬制，重新以藍芽連接智能鎖結賬，等侯大約一分鐘便會結算車費。小貼士：拉下智能鎖前開啟手機藍芽可以更有效和快速結算車費。
如果發現有問題可以點樣通知我地？
LocoApp右下 <更多> -> <用戶上報>，按下可以進入用戶意見頁面。如有需要，上報時請附上單車圖片以方便處理。也可以電郵至 hello@loco.hk 查詢，及在電郵中留下自已既登記電話號碼。