將軍澳，Locobike三大熱門地區之一，有別於傳統單車新市鎮沙田、大埔，
將軍澳嘅單車徑自成一角，雖然唔可以踩去其他區，但亦因為咁成為將軍澳居民一種區內代步方式

今集 樂區膠悠遊 帶大家由調景嶺站出發，前往將軍澳單車熱門地點：將軍澳海濱長廊！

路線｜調景嶺站 ＞ 將軍澳南海濱長廊 ＞ 康城路迴旋處

由於將軍澳單車網絡自成一角，踩去第二區都要唔少腳骨力，所以區內都唔難搵到單車，即刻打開loco app搵車睇吓邊度有車先！

我哋今日就由調景嶺站出發，開頭仍然係地盤路段，相信下次再黎又會有大量變化

不過一轉個彎，我哋就黎到海濱長廊啦～
長長白色長堤可以邊漫步邊欣賞日落，沿路仲開設左唔少特式Cafe，全部都設有露天座位，仲可以帶埋狗狗，相當寫意～

海濱長廊對出興建緊嘅大橋你又知唔知佢係咩黎呢？
佢就係連接康城站同將軍澳藍田隧道嘅跨灣大橋，預計2022年正式落成，到時仲可以踩上大橋嘅專用通道欣賞優美海景

將軍澳南海濱長廊

同將軍澳海濱公園一橋之隔，同樣係欣賞日落嘅好地方！
黃昏時分都會有唔少街坊坐喺長堤，望著船隻來來往往，享受著閒情逸致